同撈同煲 (堅拿道西)

Open Now

Now Closed

一講打邊爐當然要去九龍城，而今次係去位於銅鑼灣嘅九龍城同撈同煲。一上到去見到懷舊風格嘅裝修就係，好易認。天氣開始涼，我哋叫咗個冬瓜美人鍋湯底，店員會幫我地剪開隻雞，然後等一等滾起左就可以先飲湯，再食雞，最後你就加配料打邊爐。依度嘅店員會定時幫我哋隔泡隔油，仲會定時換碟加湯底，服務一流。海鮮係打邊爐必不可少嘅餸菜，咁啱店員同我哋講海鮮拼盤做緊優惠，一個價錢有三款海鮮，見咁優惠我哋就叫咗一份嚟試吓，啲海鮮嚟到仲有好生猛。除左海鮮，當然一定要叫埋牛肉喇，我地叫左份小安格斯牛肉，每塊油脂分布剛剛好，而且好有牛味，必叫之選。其他配料：澳洲和牛丸都好好食，爽口彈牙。蟹棒都好岀色，仲要係有八吋長，記得淥一陣就要食如果唔係好快會散老友鬼鬼即叫即炸，配埋個泰式醬汁好開胃。甜品方面有懷舊啫喱，仲要係青檸味可以解濟。另外一款懷舊甜品係糯米糍，但係最意想不到係，依度嘅糯米糍會造成鯉魚形狀放喺湯度滾一滾，然後再加花生糖，食落煙煙韌韌，又唔會覺得吸咗火鍋湯底奇怪。值得一讚呢度嘅價錢唔貴而且服務質素一流，又可以同朋友來打卡，值得再黎多幾次回味。