叁不館

Open Now

Now Closed

天后嘅叁不管港式火鍋，又好食又可以影吓相嘅火鍋店。啱晒又鍾意食又鍾意影相嘅朋友。一入到火鍋店，就好似進入咗香港另一個年代，去咗五六十年代嘅茶檔，每一個角落都有唔同特色俾我哋影相。連佢嘅醬油盤都充滿特色，用舊式朗口樽裝住店員仲會細心介紹醬油款式俾我哋👍有好多都係自家製，我最鍾意嘅就係蒜頭油。因為今次一行三人有老有嫩（媽媽和女）所以店員介紹我哋呢個湯底。新鮮椰青雞湯底最正佢哋係會即場開個新鮮椰青，加入雞湯底，等雞湯滾咗之後，我哋可以飲少少湯，然之後將新鮮雞件放入去打邊爐。芝士牛肉丸佢哋係用新鮮手打牛丸，再加入芝士，小女最like👍安格斯牛頸脊肉味濃郁油花又靚，連老人家都讚好，完全冇筋。紫菜炸響零即叫即炸，上枱仲係熱辣辣，但係油億味都冇，好味，記住淥3秒好啦！午餐肉餃未食過呢款餃，原來午餐肉整水餃，餃子皮有少少煙煙韌韌，又幾好食，又特別。