Video
Read full review
2024-09-08
1324 views
上次同屋企人去神燈嘅銅鑼灣店食飯，可惜當晚食唔到招牌黑松露玻璃燒鵝.. 之後屋企人就話想再去佐敦店食，因為話以前神燈舊址都係喺佐敦，有回憶喎～ 好啦，呢晚訂好卡位座～ 全場爆滿果然受歡迎！ 🦀《 糯米炒膏蟹 💲588 》用上來自鹹淡水交界嘅14兩斗門蟹🦀味道鮮香、肉質嫩滑～加上泰國口感煙韌嘅糯米，蟹汁滲透飯粒中，每一口糯米飯飽吸了蟹黃蟹膏以及蟹肉嘅鮮香～《 黑松露玻璃燒鵝 💲238（1/4隻） 》我不是燒鵝愛好者，但呢隻黑蚊蚊嘅燒鵝極有內涵，令我搶住食😆😆！ 脆皮之外，肉質更十分嫩滑，更帶肉汁同脂香，有一刻懷疑自己唔係食緊鵝肉，蘸埋酸甜松露醬更令肉汁滿滿嘅燒鵝口感昇華⭐️🆙🆙 🐟《 蜜汁脆燒鱔 💲278 》 用蜜汁燒，外皮燒到脆卜卜，鱔肉肥美豐腴，啖啖肉鮮嫩多汁又爽脆，仲有油脂同肉汁，讚讚👍🏻🐽《 滷水豬生腸 💲158 》以前怕食豬生腸其一係怕韌，今次一試令我完全改觀！口感爽脆又入味，完全唔韌，原來豬生腸係好食架😌 🐷《 涼拌豬腳筋 💲98 》經過浸泡、料理酒薑蔥辟腥，再以花椒、桂皮、香葉、八角及調味料煮製3小時～開頭以為點都會有嚼勁，但原來軟稔中帶點Q彈，唔會太費嚼勁，底下仲舖咗萵筍
上次同屋企人去神燈嘅銅鑼灣店食飯，可惜當晚食唔到招牌黑松露玻璃燒鵝.. 之後屋企人就話想再去佐敦店食，因為話以前神燈舊址都係喺佐敦，有回憶喎～ 好啦，呢晚訂好卡位座～ 全場爆滿果然受歡迎！
🦀《 糯米炒膏蟹 💲588 》
用上來自鹹淡水交界嘅14兩斗門蟹🦀味道鮮香、肉質嫩滑～加上泰國口感煙韌嘅糯米，蟹汁滲透飯粒中，每一口糯米飯飽吸了蟹黃蟹膏以及蟹肉嘅鮮香～
《 黑松露玻璃燒鵝 💲238（1/4隻） 》
我不是燒鵝愛好者，但呢隻黑蚊蚊嘅燒鵝極有內涵，令我搶住食😆😆！ 脆皮之外，肉質更十分嫩滑，更帶肉汁同脂香，有一刻懷疑自己唔係食緊鵝肉，蘸埋酸甜松露醬更令肉汁滿滿嘅燒鵝口感昇華⭐️🆙🆙
🐟《 蜜汁脆燒鱔 💲278 》
用蜜汁燒，外皮燒到脆卜卜，鱔肉肥美豐腴，啖啖肉鮮嫩多汁又爽脆，仲有油脂同肉汁，讚讚👍🏻
🐽《 滷水豬生腸 💲158 》
以前怕食豬生腸其一係怕韌，今次一試令我完全改觀！口感爽脆又入味，完全唔韌，原來豬生腸係好食架😌
🐷《 涼拌豬腳筋 💲98 》
經過浸泡、料理酒薑蔥辟腥，再以花椒、桂皮、香葉、八角及調味料煮製3小時～
開頭以為點都會有嚼勁，但原來軟稔中帶點Q彈，唔會太費嚼勁，底下仲舖咗萵筍，幾清香好食～
《 雲耳百合炒鮮淮山💲118 》
新鮮淮山有益健康，配搭雲耳及百合，清甜鮮爽～而且炒得完全唔油膩～
《 青島啤酒（大樽） 💲42 》 啤一啤，配美食更爽！
**茶💲15/位 、前菜💲25**
Post
