翠湖海鮮酒家

Open Now

Now Closed

純粹因為近所以去幫襯一下。大概12:30唔使等位，去到就可以入座。攞位嘅時候已經講明係5位大人，1位小朋友（兩歲）問侍應攞BB櫈好快就拎咗俾我哋。點咗一碗雞米線、叉燒包、叉燒腸，酸菜魚味道中規中矩；其他基本嘢冇特別；鮑汁鳳爪，有色無味；椒鹽白飯魚，應該係即炸熱嘅；燒賣有粒大蝦算係足料；炸鮮奶，脆但係唔熱；原本冇諗住寫食評，所以本身冇影相。但係態度實在太差，所以需要同其他食客分享一下。坐低點咗幾款點心之後覺得唔夠，所以諗住加單，就問職員拎多一張點心紙落單，佢嘅回應係「頭先冇俾你咩？」（講嘢好大聲，而且係用質疑嘅態度）我回覆：加單 （係咪唔想做生意呢？加單都唔得？）跟住兩個阿姐（職員）企喺我隔籬傾偈，其中有議論其他客人麻煩⋯而且隔籬枱上坐點心嘅時候，有即時跟進㗎，但態度都唔係幾好，又係質疑人哋係咪自記落錯⋯我哋聽到呢啲說話，快快脆脆食完就走啦。到埋單俾錢，過程都算順利。之後睇單發現佢連小朋友茶位都有計（朋友之前嚟過係唔計嘅），所以去咗隔籬個收銀問咗一聲，又係用啲好惡劣嘅態度回應。其實飲餐茶食個lunch，都係一班人傾吓偈輕鬆吓。點解成個過程要咁勞氣呢？唔係一個人態度唔好係接二連三幾個人都係