鮨一 (厚福街)

Open Now

Now Closed

我同老公都好鍾意食日本嘢，今日就我哋唻到厚福街呢間日本餐廳試吓。晚飯時間都好多人，最好就訂定位。雖然今餐只係食咗四樣嘢，但係全部都係壽司同刺身，都有啲濟，大滿足！！鮨一沙律🤩刺身種類多，有甜蝦、帶子、三文魚，蟹籽、油甘魚。樣樣都好新鮮食一個沙律好似食咗一個刺身拼盤咁，滿足多個願望。秋刀魚刺身：而家嘅季節啱晒食秋刀魚，師傅將秋刀魚切得好靚，好似成多花咁。但係我個人覺得有啲腥，但係我老公就好鍾意食呢種油甘味。千層海膽飯(大)😋😋海膽上面仲放咗啲金箔，加強貴氣。海膽下面仲有碎吞拿魚。海膽新鮮，自己用紫菜包一個個海膽吞拿魚卷，實在係太滿足啦。兩個人叫一個大size都已經好夠。牛油果鰻魚反卷鰻魚燒得香口，仲有甜蛋係裏面加強層次，好食。