團日式拉麵

Open Now

Now Closed

最近係逢星期六都會在荃灣荃新天地附近上堂，係商場餐廳食左幾次野都悶悶地，諗住係附近搵間新既餐廳食，行出街一陣，見到一間裝潢似日式既小店。再行近望真Ｄ，原來係拉麵店。我自己都鍾意去日本旅行，日式既食物最鍾意就係拉麵。於是入去，原來門口有部自助販賣機，即係類似汽水機咁，自己係部機揀食物同飲品，然後入錢，跟住就會彈張票出黎。再拎張票入餐廳俾侍應，就可以入位等開餐。我叫左個櫻花蝦豚肉拉麵，再加麵底。等左一陣，碗麵來到，賣相不錯。拉麵質地軟硬適中，豚肉又唔會得個肥字，加埋麵底，夠晒我呢個大食既人。最近無得去日本旅行，黎呢間拉麵思下鄉都不錯既。