大門食堂 (德福廣場) (Closed)

而家連拉麵都有懶人包，最緊要連餸都齊晒😍。準備、烹調時間大概15分鐘⏰。🍜自家煮拉麵 二人前Set $98每份急凍包有麵底、湯底（連叉燒、筍）、紫菜各兩份。可以用嚟整拉麵或者沾麵。湯包可以成袋放喺滾水煮。麵底煮5-7分鐘就食得。非常方便。湯底有好濃郁嘅魚介味，質地稠身。麵條口感爽彈， 仲有些少蛋香。叉燒半肥瘦，肉質軟腍。筍嘅口感好爽脆，味道冇平時食到嘅咁濃烈🤪。紫菜係脆嘅😍。整體嚟講湯底味道比較濃，而麵條都容易掛湯。個人prefer沾麵食法。