Restoran SAYA

Open Now

Now Closed

米芝蓮泰菜見到好多人推介，甚至係米芝蓮滿心期待，但係性價比十分之一般唔會特別推介咖喱方面，我地揀左「泰式咖喱蟹汁軟殼蟹」（$188），覺得咖喱味道有啲淡味，無咩特色配3件正常發揮普通不過嘅麵包軟殼蟹份量都有四舊成碟菜無記憶點另外叫咗個「依善辣肉碎生菜包（豬肉）」（$108）口感都偏辣，見到係用咗新鮮嘅沙律菜但係食食下，會覺得入面唔似平時食到生菜包嘅豬肉口感一路食到啲比較爽口嘅質地，都覺得怪怪地最後望真啲發現，個兜嘢入面有啲腸狀嘅物體問返店員佢哋話原來撈埋豬雜一齊炒🤢我從來冇食過生菜包連埋豬雜我個人本身係好抗拒豬雜內臟等佢Menu冇講清楚，我覺得係一個好大嘅問題因為唔係真係人人都會預計到生菜包嘅豬肉有豬雜🤢🤢🤢🤢呢個真係好反感（可能都因為我個人本來好怕豬雜）但係我都覺得佢有義務要列明清楚😪😪飲品就正常發揮沒有特別最後仲叫咗個甜品「香蕉煎薄餅」（$78）呢個都係同預期嘅香蕉煎餅唔一樣佢只係一塊平時食開嘅泰式煎餅，夾住香蕉同埋煉奶完全冇特別，唔特別好食普通到一個點總括而言成餐飯，我覺得係冇特色🥲性價比十分唔值座位亦都唔算舒服