四寶食堂 (兆安廣場)

Open Now

Now Closed

勃根地紅酒野菜燴羊膝套餐包括左餐湯同野飲可以揀2款配菜，我地揀左牛油粟米+炸薯條羊膝超腍，一切就骨肉分離，非常入味，紅酒的香氣與羊肉淡淡的羶味完美結合。橄欖油辣蜆肉意大利粉一上枱就香氣撲鼻，賣相亦好吸引。食落橄欖油味好香濃，而且夠晒辣好惹味。菠蘿油茶餐廳經典-熱辣辣嘅菠蘿包外皮酥脆，內裏鬆軟。蘆薈西柚梳打清新解膩。朱古力雪山超多忌廉，朱古力味非常香濃，唔會太甜，非常完滿。上菜速度好似茶餐廳咁快，但食物的質素係西餐廳的水準，絕對係性價比之選。