蔦 (Closed)

今日晏晝食得好豐富，所以夜晚就搵間拉麵食，緩和一下，結果見到佢有米芝連一星就試下啦。佢裝修都幾靚，不過吧枱比較高，女仔就冇咁方便。而成個廚房就係吧枱入面，廚師整緊咩同點樣整都一覽無遺，所以佢地對清潔嘅要求都比較高。一睇餐牌，一碗拉麵連一塊肉就98，要多隻蛋就再加15，加大Size就再加20，一碗食得飽嘅拉麵埋單接近150，可能因為有米芝連再加埋黃金地段。其實服務就一般，侍應態度唔係米芝連級，同茶記差唔多，碗麵都唔錯，但性價比真係唔高。