Video
Read full review
2024-05-03
107 views
呢間之前睇過啲片，話喺一間性價比好高嘅日本過江龍日式西餐，特別話啲甜品同埋和牛漢堡好出色，所以見今晚天氣比較穩定就放工過嚟開餐啦！1）唐揚烏賊 $58前菜叫啲香口脆炸小食，唔太大份，每人兩三條份量啱啱好。口感脆得來個脆漿唔會好厚，魷魚唔韌，灑上啲七味粉，同唧啲檸檬汁令到個味道再昇華，惹味、開胃！2）照燒雞扒配月見汁 （套餐價$176/單點 $128）咁啱今晚最後一份美國牛扒就賣晒啦，今晚無緣試牛扒，見餐牌推介呢個雞扒，而店員亦都推薦，呢個賣相唔錯，上碟係跟個月見汁，即係日本生雞蛋溝照燒汁。呢個食法好特別，配菜係炸得好香口好新鮮嘅幼薯條，係我最鍾意嘅配搭！雞扒脂肪唔多，皮同肉相連，一啲都唔「鞋」，配埋個月見汁好匹配！套餐價可揀多兩款配菜，就揀咗跟湯同埋飲品。飲品都有好多選擇：有咖啡同埋梳打特飲，梳打特飲就要加$10，咁我就揀咗個甜度高少少嘅佐賀溫州柑梳打。個湯就冇得再揀紅湯或白湯，就係跟當日指定嘅，今晚就係粟米湯。溫州柑梳打特飲口感好清新，話甜都唔係真係好甜，正！3）甜品時間：八女抹茶多士 $138呢個甜品一擺上枱，簡直係震撼我哋嘅眼球！擺盤好靚，好打卡-able!仲要係好 ——好——食
1）唐揚烏賊 $58
前菜叫啲香口脆炸小食，唔太大份，每人兩三條份量啱啱好。口感脆得來個脆漿唔會好厚，魷魚唔韌，灑上啲七味粉，同唧啲檸檬汁令到個味道再昇華，惹味、開胃！
2）照燒雞扒配月見汁 （套餐價$176/單點 $128）
咁啱今晚最後一份美國牛扒就賣晒啦，今晚無緣試牛扒，見餐牌推介呢個雞扒，而店員亦都推薦，呢個賣相唔錯，上碟係跟個月見汁，即係日本生雞蛋溝照燒汁。呢個食法好特別，配菜係炸得好香口好新鮮嘅幼薯條，係我最鍾意嘅配搭！雞扒脂肪唔多，皮同肉相連，一啲都唔「鞋」，配埋個月見汁好匹配！
套餐價可揀多兩款配菜，就揀咗跟湯同埋飲品。飲品都有好多選擇：有咖啡同埋梳打特飲，梳打特飲就要加$10，咁我就揀咗個甜度高少少嘅佐賀溫州柑梳打。個湯就冇得再揀紅湯或白湯，就係跟當日指定嘅，今晚就係粟米湯。溫州柑梳打特飲口感好清新，話甜都唔係真係好甜，正！
3）甜品時間：八女抹茶多士 $138
呢個甜品一擺上枱，簡直係震撼我哋嘅眼球！擺盤好靚，好打卡-able!仲要係好 ——好——食！ 啲白色丸子超新鮮，非常軟糯，點埋啲紅豆粒醬超好食！八女抹茶雪糕唔會好甜，係自家雪糕機整嘅，帶偏回甘嘅天然茶味，所以最後伴碟嘅楓糖漿都唔需要用到。
餐廳店員態度非常友善，會好細心同你講解吓啲食物邊啲係推介嘅，同埋會識得幫我哋做食物配搭，咁樣就唔會怕食唔晒唔浪費食物。
P.S. 原來啲雪糕係可以做甜筒外賣㗎，我哋用餐嘅時候就望到門口有幾個walk-in食客喺門口買咗兩支甜筒即刻拎走食，又幾好喎！
唐揚烏賊
4 views
0 likes
0 comments
套餐跟湯同飲品
1 views
0 likes
0 comments
2 views
0 likes
0 comments
照燒雞扒配月見汁
0 views
0 likes
0 comments
右邊係打勻循咗嘅月見汁
2 views
0 likes
0 comments
八女抹茶多士
4 views
0 likes
0 comments
Post
