點籽冰室 (Closed)

上次經過呢間冰室已經想試，今晚一於同老公去試吓！今日好肚餓，總共叫咗三樣嘢叫咗個點籽小炒王，雞扒拼鮑魚同埋三寶炒烏冬。小炒王超有鑊氣🔥超多料。韭菜加埋煙鴨胸，餐肉同魷魚一齊炒，口感十足，好惹味！😊👍🍗個雞扒拼鮑魚，我哋叫咗加黑椒汁。當啲汁加咗落個鐵板度，就即刻有吱吱聲，好正😆😆聞落勁香🤤同埋第一次食鐵板係有鮑魚，好新奇！😻鮑魚好新鮮，食落好爽口。個雞扒煎得好香好脆仲好有肉汁，非常惹味！👍🥢最後就係三寶炒烏冬，三寶呢就有煙鴨胸，餐肉同魷魚，份量好夠，好足料！！烏冬炒得夠乾身，麵質唔會太淋，仲好煙靭！🎉三樣嘢加埋份量超大又足料，係一餐豐富嘅晚餐🫰🏼總括嚟講，餐廳座位闊落，衛生程度非常好，食物材料豐富，份量足，係一間高質嘅冰室！🌟