傑星冰廳

Open Now

Now Closed

去開深水埗買嘢見肚餓就食個Early Dinner!一向都鍾意食茶記就試下依間傑星冰廳😋裝修企理又坐得舒服，有自助水同生果吧！撞正中秋節仲有迷你月餅派🥮好有心既餐廳👍🏻✦ 蕃茄蝦仁牛肉蛋蓋飯 $62蛋包飯就食得多，今次試吓蛋蓋飯！起碼有幾隻蛋塊蓋住一大嚿飯，份量十足👍🏻面頭鋪上濃厚蕃茄汁、大隻蝦仁同大塊牛肉，好惹味😋✦ 斑斕咖椰鮮油多 $21新鮮烘底麵包入面夾咗又大又厚既牛油，外脆內軟又熱熱地，再加上淡淡斑斕椰子味超好食阿，極度推介🤩✦ 鴛鴦紅豆冰 特飲+$12成日忍唔住轉特飲😆依杯飲品紅豆量好足，啖啖都飲到架👍🏻 好在無叫少甜都唔算太甜，只係加$12好抵飲！