古今

Open Now

Now Closed

旺角有好多好嘢食，朋友介紹呢度新開左間日式餐廳，咁就一於嚟試吓啦。去到雖然時間只係六點幾，但係入邊已經坐滿晒，如果想試嘅記住早啲嚟拎位啦。日式麻醬豆腐沙律 雖然本身唔係特別鍾意食麻醬，但係佢嘅麻醬味唔算太重，而且有好多豆腐同蟹籽，食落好清爽，而且開胃。午夜牛郎佢個名好特別，原來佢係三文魚牛油果同埋芝士，食落估唔到出奇地夾，而且佢有好多三文魚，三文魚食落都好新鮮。雖然有芝士，但係食落都唔會好膩，不過好有飽肚感。豚肉泡菜鍋加蔬菜拼盤一上枱估唔到個鍋咁大，而且有非常多嘅豚肉，襯埋泡菜有啲辣辣地，食落非常開胃。佢嘅豚肉厚薄適中，而且唔會太肥，非常推薦大家試吓。呢間日本菜又平又抵食，而且食物好有特色，非常推薦大家嚟試吓。