Video
Read full review
2021-05-27
82 views
-係人都知旺角放題選擇多，但性價比高既餐廳，唔知你地又識唔識簡呢？-今次想同大家介紹一間韓國燒烤放題餐廳，呢間餐廳雖然裝修樸實無華，但勝在食物種類非常多，質素好，性價比極高！👍🏻-呢間餐廳非常闊落，全部都係卡位。飲品除左有自助果汁機，仲有唔同類型既罐裝飲品，連啤酒都有！-先講前菜，冰櫃有壽司、三文魚刺身、希靈魚、帶子、青口同蝦。而且話明係韓國餐廳，咁緊係一定提供韓國前菜啦，但最驚喜既係，種類真係非常多，有芽菜、大豆芽、酸蘿蔔、泡菜同泡菜蘿蔔等等。-而小食方面，基本上都係炸物，但食落唔會爆油。佢地仲有泡菜煎餅提供，完全係傳統韓國味道😻。另外，仲有好多唔同既熟食，但今次我地就試到啦，反而飲左人蔘雞湯，非常滋補。-終於講到重頭戲啦，韓燒緊係要燒肉啦，肉類方面大多醃製好既都係扒類、肉粒同少量海鮮，食落唔會太鹹味，大部份都係燒汁味，大人小朋友都岩食。另外，仲有一啲韓國風味十足既牛脷、豬五花同多春魚等等，但呢啲食物就一定要倒左油再燒，如果唔係就好易癡底啦😆！食到咁上下，仲可以燒埋蔬菜類，當然唔少得菠蘿啦🍍😍！-講起水果，意想唔到餐廳仲提供左超級多款式，非常適合養身既朋友，仲有時令芒果🥭、荔枝同南華
-今次想同大家介紹一間韓國燒烤放題餐廳，呢間餐廳雖然裝修樸實無華，但勝在食物種類非常多，質素好，性價比極高！👍🏻
-呢間餐廳非常闊落，全部都係卡位。飲品除左有自助果汁機，仲有唔同類型既罐裝飲品，連啤酒都有！
-先講前菜，冰櫃有壽司、三文魚刺身、希靈魚、帶子、青口同蝦。而且話明係韓國餐廳，咁緊係一定提供韓國前菜啦，但最驚喜既係，種類真係非常多，有芽菜、大豆芽、酸蘿蔔、泡菜同泡菜蘿蔔等等。
-而小食方面，基本上都係炸物，但食落唔會爆油。佢地仲有泡菜煎餅提供，完全係傳統韓國味道😻。另外，仲有好多唔同既熟食，但今次我地就試到啦，反而飲左人蔘雞湯，非常滋補。
-終於講到重頭戲啦，韓燒緊係要燒肉啦，肉類方面大多醃製好既都係扒類、肉粒同少量海鮮，食落唔會太鹹味，大部份都係燒汁味，大人小朋友都岩食。另外，仲有一啲韓國風味十足既牛脷、豬五花同多春魚等等，但呢啲食物就一定要倒左油再燒，如果唔係就好易癡底啦😆！食到咁上下，仲可以燒埋蔬菜類，當然唔少得菠蘿啦🍍😍！
-講起水果，意想唔到餐廳仲提供左超級多款式，非常適合養身既朋友，仲有時令芒果🥭、荔枝同南華李等等。
-甜品方面，餐廳仲提供左熱辣辣又滋潤既糖水。如果中式糖水唔岩食，仲有泰式西米露同涼粉。再唔岩你口味？另一邊雪櫃仲有好多西式甜品，有奶凍、芒果布甸、啫喱、西米糕同桂花糕等等。而小朋友又食得又岩玩既仲有自製棉花糖、軟雪糕同朱古力噴泉，同其他餐廳唔同，選擇真係多到眼花撩亂。
-最後當然唔少得雪糕啦，雪糕有雀巢品牌，亦有香港本地品牌，仲有Häagen-Dazs雪糕添，值哂回票價啦。
Post
