河內越式料理 (村南道)

Open Now

Now Closed

夜晚8點幾係大圍附近求其入間餐廳食，見到呢間越南野好多人，就試下。menu都好抵食下，有d二人套餐係可以揀2個主食，小食同嘢飲。我地叫左生牛肉pho，牛三寶pho，炸春捲，炸蝦餅同軟殼蟹米紙捲，好飽啊然後埋單每人都係百幾蚊左右。牛三寶pho有牛展，牛丸同生肉，份量十足。河粉係正宗越式河粉，唔係港式撈左油果d。湯底牛骨味十足，加埋檯面d調味仲提升左味道。幾肯定個牛骨湯無落味精，飲完唔會口乾。炸春捲同炸蝦餅2樣都好食，屬正常發揮。我地仲叫左軟殼蟹米紙捲，軟殼蟹炸得香脆，包埋米紙捲同d菜減少油膩感，都係好唔錯。整體食物質素好唔錯，d 侍應姐姐服務態度都好好，呢個價錢味道唔錯而唔洗受茶餐廳服務，去邊度搵啊。