紅館

喺中環食下午茶都只係需要人均$150🙀？！呢間法式餐廳位置就近繁華嘅中環站，由法國藍帶主廚主理🇫🇷，餐廳戶外座位舒適，室內裝潢不失優雅。如果平時有商務聚會嘅需求💼，或者情侶約會，都係一個好選擇。————————————————👅下午茶套餐（$298/2位）🔸鹹點小吃🔸👍🏻日本三文魚籽撻：鹹點中最愛嘅一道❤️，薄脆撻皮盛載住鹹鮮味十足嘅魚籽👍🏻澳洲M8和牛他他：生食和牛最能食到鮮嫩口感，經過香料調味襯托出牛肉鮮味👍🏻油漬車厘茄配巴馬臣芝士：油漬車厘茄濃縮咗酸甜味，加上刨成花瓣般嘅芝士碎🧀️，味道層次豐富👍🏻日式照燒雞三文治：兩小口一件嘅雞肉三文治，外型精緻🥪👍🏻巴馬火腿配艾曼塔芝士：火腿油潤甘香，芝士芝味清新👍🏻香辣豬肉串：惹味香辣嘅代表🌶️🔸精選甜點🔸👍🏻鮮果芝士撻：清甜青提同芝士餡味道融洽👍🏻拿破崙：芒果鮮甜多汁🥭，鬆脆嘅拿破崙層次豐富👍🏻朱古力蛋糕：有合桃碎同香濃朱古力味嘅布朗尼🍫👍🏻馬卡龍：剛好係我哋最鍾意嘅開心果味同朱古力味，酥脆外皮吹彈可破🔸餐飲🔸👍🏻伯爵茶/拿鐵：精緻嘅下午茶點少得又靚靚拉花嘅拿鐵同英式茶☕️————————————————🚩總結：性價比滿分嘅下午茶🫖———————