Video
Read full review
2021-07-21
289 views
唔知幾時開始物價飆升到四五十蚊一餐飯都好閒。有時四五十蚊食堆豬潲般嘅劣食都要催眠自己「係咁㗎啦」。原來唔係㗎！呢個價位都可以有堪比高級扒房嘅質素！即使已經到咗下晝接近三點，呢間座落荔枝角D2 Place嘅金鳳大餐廳依然座無虛席，我同朋友都等咗十零分鐘先有位入座。我哋叫咗瑞士西冷牛扒（$62）同夏威夷豬扒（$58）；一碗羅宋湯一碗雞蓉忌廉湯；飲品就一杯熱咖啡同一杯熱檸水。西冷牛扒同夏威夷豬扒嘅份量大到令人驚喜，完全符合扒房嘅定位，遠遠超越一般茶記嘅質素（但價錢居然唔差得幾多，真係抵到爛！）而且好難得可以食到美國扒香嫩又帶韌勁嘅肉質，易咬兼且充滿肉汁，食到停唔到口。相比起外面好多煎到太硬梆梆嘅扒，呢間扒房簡直嘅五星級教材！甜餐包同餐湯都幾好。餐包有成個拳頭咁大，比得好豪邁。我飲嘅羅宋湯黑椒味都幾夠，啱曬我呢啲鍾意嗰種辣辣哋刺激感嘅人。熱咖啡都有啲驚喜，睇色相都大概估到奶比得夠足，而且飲落口個質地好柔滑，非常舒服咁流過喉嚨，可見咖啡同奶嘅比例拿捏得好好，味道上同口感上都好細膩（又一個超加分位！）tldr：好正，好抵，快啲去食！———————————————#金鳳大餐廳 金鳳大餐廳 (D2 P
原來唔係㗎！呢個價位都可以有堪比高級扒房嘅質素！即使已經到咗下晝接近三點，呢間座落荔枝角D2 Place嘅金鳳大餐廳依然座無虛席，我同朋友都等咗十零分鐘先有位入座。
我哋叫咗瑞士西冷牛扒（$62）同夏威夷豬扒（$58）；一碗羅宋湯一碗雞蓉忌廉湯；飲品就一杯熱咖啡同一杯熱檸水。
西冷牛扒同夏威夷豬扒嘅份量大到令人驚喜，完全符合扒房嘅定位，遠遠超越一般茶記嘅質素（但價錢居然唔差得幾多，真係抵到爛！）而且好難得可以食到美國扒香嫩又帶韌勁嘅肉質，易咬兼且充滿肉汁，食到停唔到口。相比起外面好多煎到太硬梆梆嘅扒，呢間扒房簡直嘅五星級教材！
甜餐包同餐湯都幾好。餐包有成個拳頭咁大，比得好豪邁。我飲嘅羅宋湯黑椒味都幾夠，啱曬我呢啲鍾意嗰種辣辣哋刺激感嘅人。
熱咖啡都有啲驚喜，睇色相都大概估到奶比得夠足，而且飲落口個質地好柔滑，非常舒服咁流過喉嚨，可見咖啡同奶嘅比例拿捏得好好，味道上同口感上都好細膩（又一個超加分位！）
tldr：好正，好抵，快啲去食！
———————————————
#金鳳大餐廳
金鳳大餐廳 (D2 Place) (荔枝角)
荔枝角長順街15號D2 Place二期3樓312號舖
Post
