百花漁莊 (Closed)

同事食完，極力推介！果然冇介紹錯！性價比非常高！第一次見火鍋放題，係有點心，貪心同為食嘅人有福了😂😂淨係打邊爐，可能你會覺得悶，但係就連手工點心，同埋好幾款特色小菜，都係可以無限添加，成件事即刻變得非常吸引地理位置非常好，就係灣仔囍帖街內裏環境都幾舒適選擇鴛鴦鍋嘅話，就可以一邊揀粥底火鍋，過吓癮，另一邊就揀返其他大路啲嘅火鍋湯底～ 粥底火鍋，可以喺最後加返碗白粥，南瓜、菜脯同埋粟米粒粒，整碗粥暖下胃老上海燻魚❤️❤️每次見到燻魚都忍唔住要點，因為每間餐廳嘅做法都唔同。依度可以無限任食，感覺真係好抵！甜甜地，都幾好食🤤開始打邊爐之前，我哋都食咗一轉點心，有驚喜喎，蝦餃係超級大粒！固定份量嘅海鮮拼盤，亦相當有睇頭，好新鮮，好靚。特別欣賞隻鮑魚，真係非常鮮甜！其他火鍋配料選擇都好多，處理得幾好，乾淨整潔，而且每碟份量都唔會太多，咁就唔使驚太飽😌😌竹笙，超正！完全吸收晒啲花膠雞湯！處理得乾乾淨淨，爽口👍🏼雖然火鍋、小菜、同埋點心選擇都好多，但個人認為佢哋嘅甜品亦都係唔可以錯過！紅糖糍粑、湯圓、冰粉，全部都好高質，仲可以每人食一杯Häagen-Dazs雪糕，一個字：抵！