Video
Exit B2, Wan Chai MTR Station
continue reading
Introduction
It offers dim sum and Chinese dishes at lunch time. At night, you can enjoy seafood with a congee hot pot that may select 2 kinds of soup base.
continue reading
Opening Hours
Mon - Sun
11:30 - 15:00
17:30 - 22:00
Public Holiday
11:30 - 15:00
17:30 - 22:00
Public Holiday Eve
11:30 - 15:00
17:30 - 22:00
Above information is for reference only. Please check details with the restaurant.
打邊爐 x 點心 一次過滿足兩個願望有日想打下邊爐，記得之前黎過呢到都幾好食，於是二次回訪！不過原來而家多左點心同埋打邊爐放題！先講點心，咁當然無早市咁多選擇，但大路想食都有齊了🤩呢到點心質素好好，即叫即蒸，一啲都無因為放題而影響味道。食左燒賣、金錢肚等等，全部都爽口彈牙，金錢肚仲要好惹味 ，encore左！隨左點心，仲有啲小食可以簡～～ 真係好豐富！食左醬油鴨、手拍青瓜等等，都係好味高質的！最後就去到打邊爐！ 叫左啲清啲既湯底，不過都好夠味～～ 佢有好多款配料可以簡，一定岩在場既人口味～ 不過最吸引都係餐跟既日本豬腩肉。肉質超級新鮮！仲有個海鮮拼盤，都好鮮甜而且新鮮爽口～～～ 到最後加埋粥底仲有一滿好濃味既海鮮粥！ 真係超滿足！一次過滿足咁多願望，真係好開心，下次再戰！
continue reading
一間餐廳可以滿足你三個願望：有點心食、有粥底火鍋同養生湯底的任食火鍋放題🤩我同朋友揀左【百花齊放套餐】火鍋湯底任選兩款；尊享海鮮鮮肉拼盤；有多款手工點心、精選火鍋配料及飲品，最後仲送兩杯Häagen-Dazs雪糕💕我地揀左雙拼鴛鴦鍋🍲👇🏻🔸養生十全藥膳雞湯鍋真係有濃烈藥膳味，有試飲個湯，好補身咁😆🔹麻辣火鍋🌶️麻而不辣，唔食得辣的朋友可以一試✨尊享海鮮鮮肉拼盤✨鮮蝦、鮑魚、帶子、沙巴蜆、魚、美國安格斯牛肉及鹿兒島豚肉。每一樣都好新鮮好味🤤火鍋配料我地就叫左蝦滑、墨魚滑及多款蔬菜🥬，一定有一款係大家鍾意食嘅🤗🔸前菜冰糖醬烤鴨及皮蛋肉鬆豆腐我地又叫左以兩款特式前菜，我覺得唔錯🔹手工點心金絲香芋酥、黑芝麻卷及黑糖糍粑叫左以三款都新鮮熱辣脆卜卜，好味😋🌟2個成人可以帶1位小童免費🌟
continue reading
百花齊放套餐火鍋湯底任選150分鐘放題 全日供應 推廣價每人只需$328同時享用火鍋 小菜 點心 甜品性價比爆燈！今天湯底選擇了鴛鴦鍋養生十全藥膳雞湯鍋金腿蟲草花花膠雞鍋可以先品嚐花膠雞湯 感覺很滋補 雞件保持肉嫩多汁尊享海鮮鮮肉拼盤份量是一次性的 按人數分配海鮮有鮑魚 鮮蝦 帶子 花甲等等開心小菜 驚喜之作每一樣份量都好足而且賣相精緻 味道高質素推介冰糖醬香鴨老上海燻魚皮蛋肉鬆豆腐竹園油炆筍拍蝦苗小黃瓜四喜烤麩手工點心 亦十分出色選擇非常多 水準比茶樓有過之而無不及食得出是用心製作整體來說環境光猛 寛敞舒適食物不論種類 味道 擺盤都令人滿意
continue reading
一路都book mark咗百花漁莊，今日咁啱去灣仔做嘢，收工就同同事食咗先返屋企啦！呢間係一間海鮮粥底嘅打邊爐，仲有點心！ 任食任叫都係每位$328-150分鐘。 價錢ok 啦，時間起碼有兩個半鐘！ 出面放題多數都係得120分鐘。去到店員都好細心咁解釋粥底同埋打邊爐嘅分別。每台都會有一份海鮮送，有大蝦，鮑魚，扇貝，蜆，小魚兒。。。海鮮都好新鮮，食得出海鮮嘅鮮味，唔係雪藏嘅。我哋叫咗鴛鴦湯底，豆乳加皮蛋。 清清地。上網睇過人哋介紹推介呢間嘅奶皇包點心，咁梗係唔執輸試一試啦，果然冇失望，熱辣辣一搣開流心流晒出嚟。好食😋呢度嘅點心全部都係即叫即蒸熱辣辣唔係嗰啲攤凍晒再整返熱俾你！最尾仲有Häagen-Dazs雪糕送！CP值高， 唔馬虎，呢間舖頭絕對可以encore！📍 百花漁莊 (灣仔)灣仔皇后大道東202號QRE Plaza 28樓
continue reading
食放題最開心係試好多款式，放滿檯都係一個價錢。今次黎到QRE呢間火鍋店食百花齊放放題，推廣價$328食150分鐘除左火鍋配料仲有手工點心、小食，仲有一次性大大盤海鮮。北方小食四喜烤麩、冰糖醬香鴨調製甜醬濃厚掛汁烤麸軟綿綿入味醬香鴨外皮火紅鴨肉吸汁滋味食住點心等鍋底大滚多款中式點心，揀幾款醫肚大大粒蝦餃，餡靚晶瑩。爆汁牛肉同豬肉雙色燒賣。仲有懷舊灌湯餃，好足料魚肚雞扎。鴛鴦湯底自由配搭抵在唔洗加錢升級麻辣拼藥膳雞湯鍋打邊爐兩種口味最開心😃內臟放辣湯惹味至愛Q彈鴨血，一碟四薄片鮮爽肥鵝腸，小小腸脂一流！ 牛胸爽、豬天梯灼熟超爽脆骨髓滑溜香軟掛湯豬潤鮮味質感柔軟海鮮蔬菜配雞湯好夾海鮮盤有大隻肉厚虎蝦貝類既海蜆、帶子手掌般大鮑魚仲有咸香剝皮魚蔬菜籃🧺鮮甜粟米、菇菌、娃娃菜健脾紫准山條竹笙配紅湯吸辣刺激食到飽肚叫甜品跟餐每人除有一款杯裝Häagen-Dazs雪糕我點紅糖糍粑，外皮脆又流心薑汁紅糖湯丸，軟心可口杞子桂花糕，橙紅色好清香紅糖果仁冰粉，清涼透心 ！
continue reading