雲壽司 (德和大廈)

Open Now

Now Closed

朋友推介嘅一間Omakase，有兩間分店，呢間喺蘭桂芳。餐廳格局係好正宗嘅日本風格，位置唔多，大部份都係對住壽司師傅嘅Bar枱。揀咗最平個款Omakase「翔SHO」試吓，同老婆一人一份。有十款壽司、一個手卷同味噌湯，壽司師傅會逐款上菜同好細心咁介紹。呢間嘅剌身好新鮮，質數亦好高，仲有師傅嘅刀工都好厲害，賣相全部都好靚！（以下介紹唔跟上菜次序）其中最特別嘅係今月推介嘅「伊佐木」，比較少食到呢種魚，白身而油脂豐富，好食！當中兩款貝類「鮮北寄貝」同「赤貝」都好爽口又唔韌。而大大隻又彈牙嘅「北海道牡丹蝦」同份量十足又鮮甜嘅「北海道海膽」食完大滿足！比較之前喺日本食Omakase，呢間比較多款做咗火炙嘅形式，分別係「火炙金目鯛」、「火炙油甘魚腩」、「火炙銀雪魚」同「火炙吞拿魚壽司」。其中金目鯛最為出色！微微炙燒後帶出魚油香，加上肉質細緻鮮味，正呀！另外，我同老婆嗰兩件吞拿魚係唔同嘅部分，佢係肉質好滑嘅「腦天」，而我就係較為爽口彈身嘅「臉肉」，口感幾特別！最後上嘅係「吞拿魚蓉手卷」，師傅介紹呢個係要用手拎住即食，保持塊紫菜係脆卜卜嘅狀態，手卷已經調好味，已經有埋豉油Wasabi喺入面，唔駛另外再