爺爺雞飯 (金百利中心) (Closed)

係金百利行完街，就順便係度食晚飯，樓上有好多餐廳，朋友話想食海南雞飯，我地就上左黎7樓既爺爺雞飯，估唔到性價比超高，晚飯價錢好抵食。爺爺海南雞配油飯雞肉好滑，就算雞胸都唔鞋，而且無骨，飯可選白飯或油飯，油飯好香，醬汁有3款，有甜豉油、辣醬同蒜蓉醬，非常惹味。新加坡叻沙可選油麵、米粉或滲滲，原來滲滲就係兩溝麵，叻沙湯底好香，又唔會太辣，配料有蝦、魚片、雞蛋。椒鹽豆腐豆腐炸到外脆內軟，好嫩滑，好惹味。桔桔、凍檸茶叫左主食半價就可以加購飲品。桔桔柑桔味香濃，酸酸地好開胃。