Video
Read full review
2017-09-14
397 views
琴日同朋友慶生，由於最近食厭左放題之類，所以特意地book左呢間由廚師發辦嘅日本菜，希望可以食到較高質嘅日本野呢間餐廳由我book枱果一刻已經比我一種好有心思嘅感覺，book果陣廚師問我地budget大概幾多，有冇咩唔食，我就問佢budget每人400左右得唔得，佢都話可以（平時啲omasake都千千聲）所以係未去餐廳之前印象已經非常好。去到嘅時候發現餐廳都比較遠，入面位置唔多，裝潢亦唔係特別吸引，但係我地在意嘅係食物嘅質素去到店員好熱情咁簡介左一次我地果晚會食嘅野。等左冇幾耐就有前菜食前菜分別係芥末八爪魚、鰻魚同日本蕃茄加芝士，要由左至右咁順次序食。我個人非常鍾意日本蕃茄加芝士，芝士配合埋清甜嘅蕃茄，成個感覺好清新好開胃。之後就到刺身拼盤，有甜蝦、帶子、鯖魚、三文魚同海膽魷魚。店員好細心咁同我地講解個食法同食嘅次序，我特別鍾意個帶子同三文魚，帶子上面加左青檸汁同少量鹽，食落感覺好新鮮;三文魚肥美得黎唔會太膩，而其他魚生都非常新鮮，比起放題食到嘅果然出色好多!呢個野菜沙律有勁香嘅黑松露味，食落非常開胃。鹽燒秋刀魚係我成餐飯最喜歡嘅一道菜，秋刀魚外層燒金黃色，非常香脆，食落有秋刀魚特有嘅
呢間餐廳由我book枱果一刻已經比我一種好有心思嘅感覺，book果陣廚師問我地budget大概幾多，有冇咩唔食，我就問佢budget每人400左右得唔得，佢都話可以（平時啲omasake都千千聲）所以係未去餐廳之前印象已經非常好。
去到嘅時候發現餐廳都比較遠，入面位置唔多，裝潢亦唔係特別吸引，但係我地在意嘅係食物嘅質素
去到店員好熱情咁簡介左一次我地果晚會食嘅野。等左冇幾耐就有前菜食前菜分別係芥末八爪魚、鰻魚同日本蕃茄加芝士，要由左至右咁順次序食。我個人非常鍾意日本蕃茄加芝士，芝士配合埋清甜嘅蕃茄，成個感覺好清新好開胃。
前菜
84 views
0 likes
0 comments
之後就到刺身拼盤，有甜蝦、帶子、鯖魚、三文魚同海膽魷魚。店員好細心咁同我地講解個食法同食嘅次序，我特別鍾意個帶子同三文魚，帶子上面加左青檸汁同少量鹽，食落感覺好新鮮;三文魚肥美得黎唔會太膩，而其他魚生都非常新鮮，比起放題食到嘅果然出色好多!
刺身
118 views
0 likes
0 comments
呢個野菜沙律有勁香嘅黑松露味，食落非常開胃。
黑松露野菜沙律
83 views
0 likes
0 comments
鹽燒秋刀魚係我成餐飯最喜歡嘅一道菜，秋刀魚外層燒金黃色，非常香脆，食落有秋刀魚特有嘅油香。店員同我地講魚嘅內臟先係精華，食落果真如此! 秋刀魚嘅內臟有一種好獨特嘅甘甜味，好好食! 食過呢條秋刀魚之後發現自己以往係其他日式餐廳食嘅秋刀魚都係不過如此。
燒秋刀魚
81 views
0 likes
0 comments
之後就到壽司，廚師為我地準備左時令嘅鰻魚牛油果卷，呢種創意小卷係其他地方都有食過，但係呢道嘅鰻魚感覺較為肥美，同牛油果配合埋相當唔錯。
鰻魚牛油果卷
86 views
0 likes
0 comments
最後就到蕎麥冷麵，個人覺得蕎麥麵嘅精髓在於醬油，而呢度嘅醬油同配料就調得非常唔錯，醬汁有少少甜得黎又有濃郁嘅芝麻同芥末香，雖然有啲飽但係我都成碗食晒。
蕎麥麵
56 views
0 likes
0 comments
最後就到甜品，係handmade嘅朱古力蛋糕，朱古力味濃厚得黎唔會太甜，幾岩我口味。
甜品
63 views
0 likes
0 comments
呢間餐廳令我最鍾意嘅一點就係佢係設計相當有心思，會考慮到顧客嘅budget,喜惡同時令嘅食材等去設計菜單，雖然冇得比我直接選擇食咩，但食到嘅野都令我好滿意。感覺有啲似食緊日本懷石料理，用咁嘅價錢食到咁嘅質素，我覺得性格比相當高
Post
