Video
Read full review
2022-05-24
64 views
而家越出越多唔同嘅日式便當餐🍱，打卡靚之餘，又啱晒細食一族，因為每樣餸少少哋份量啱啱好😚 而身為拉麵控嘅我今次同樣都係介紹拉麵！不過係拉麵crossover便當盒，性價比仲要幾高下！🍜 招牌叉燒拉麵 配 無味精豬骨濃湯 $108身為肉類愛好者嘅我，梗係嗌返招牌叉燒拉麵！一上到嚟，真係俾佢三大塊叉燒嚇親😱 遮住哂成碗麵，叉燒肥瘦均勻，加上都幾厚身，咬落去油脂好香，好滿足😌️ 麵係幼麵嚟，幾彈牙，而湯底真係無落到任何味精，偏淡少少🤔 成個便當仲跟咗兩款配菜同好足料嘅麵豉湯，食完勁飽！🍜 海鮮拉麵 配 蝦油味噌湯 $118另一款拉麵都唔輸蝕，男友嗌咗呢個海鮮拉麵又係好多配料！以為佢得一隻大蝦🦐？其實入面仲收埋多隻同樣size嘅蝦🫢 仲有兩隻青口仔加溏心蛋，呢碗拉麵根本就係食餸🤣 麵質係一樣，但佢個湯底就相對濃好多，蝦味好重，幾好飲！🍹清爽乳酸特飲 $28另外仲嗌咗乳酸飲品，嚟到原來係蝶豆花益力多，仲加咗啲爆爆珠，酸酸甜甜咁，夏天飲啱哂😎總括而言，呢間日式餐廳環境好靚，係和風嘅設計，而嘢食性價比又幾高，無諗過百零蚊鬆啲嘅拉麵竟然有咁多餸，食到超飽😝
🍜 招牌叉燒拉麵 配 無味精豬骨濃湯 $108
身為肉類愛好者嘅我，梗係嗌返招牌叉燒拉麵！一上到嚟，真係俾佢三大塊叉燒嚇親😱 遮住哂成碗麵，叉燒肥瘦均勻，加上都幾厚身，咬落去油脂好香，好滿足😌️ 麵係幼麵嚟，幾彈牙，而湯底真係無落到任何味精，偏淡少少🤔 成個便當仲跟咗兩款配菜同好足料嘅麵豉湯，食完勁飽！
🍜 海鮮拉麵 配 蝦油味噌湯 $118
另一款拉麵都唔輸蝕，男友嗌咗呢個海鮮拉麵又係好多配料！以為佢得一隻大蝦🦐？其實入面仲收埋多隻同樣size嘅蝦🫢 仲有兩隻青口仔加溏心蛋，呢碗拉麵根本就係食餸🤣 麵質係一樣，但佢個湯底就相對濃好多，蝦味好重，幾好飲！
🍹清爽乳酸特飲 $28
另外仲嗌咗乳酸飲品，嚟到原來係蝶豆花益力多，仲加咗啲爆爆珠，酸酸甜甜咁，夏天飲啱哂😎
總括而言，呢間日式餐廳環境好靚，係和風嘅設計，而嘢食性價比又幾高，無諗過百零蚊鬆啲嘅拉麵竟然有咁多餸，食到超飽😝
招牌叉燒拉麵 配 無味精豬骨濃湯
$108
8 views
0 likes
0 comments
海鮮拉麵 配 蝦油味噌湯
$118
3 views
0 likes
0 comments
清爽乳酸特飲
$28
2 views
0 likes
0 comments
Post
