川婆婆 (觀塘廣場)

Open Now

Now Closed

其實我一直都好鍾意食四川麻辣菜，不過身邊fd同屋企人都麻麻，所以好少出去食。最近想過下癮就去左觀塘廣場間【川婆婆】叫外賣啦。 水煮鮮牛肉配薯粉：小辣都算幾辣下，可以由BB辣先試。鮮牛肉分量好多，都算幾嫩滑，有千張豆皮、蔬菜、芽菜、海帶等等，自己另外加左薯粉（可以加飯或者米粉）。麻辣鮮香、非常開胃。 麻辣豆腐串：呢個反而就小辣好多，屋企人都食到。兩大串長長既豆腐（豆卜）串，索曬D辣汁超級正。 小食鹽酥鷄：分量都算多，不過覺得好似炸粉多過肉，唔係特別推薦 涼拌土豆絲：本身涼拌汁有少少酸、而且唔係好辣，不過有加芽菜，我自己prefer全土豆絲多D，但味道不錯。 凍豆漿：解辣一流。