金牌小龍 (Closed)

係尖沙咀突然想食上海野 搵到呢間金牌小龍好似不錯就去一戰！我地嗌左好多野食 不過全部都係小食類 所以飽度係剛好😋第一樣緊係小籠包 食上海菜必叫！而呢到既小籠包都無令我失望 入面仲keep到戰湯唔乾身 而皮亦唔會好厚好粉👍🏻另外我地嗌左小木耳 超開胃 食到停唔到口雞絲粉皮 粉皮較滑身 唔似河粉 係比較彈牙個隻！肴肉 好厚身 睇相都會睇到肉同透明部分既比例 個人鍾意肉部分多啲🤣蒜蓉西蘭花 健康既男朋友每次食飯盡可能都會叫菜🥦西蘭花炒得幾爽脆 感覺新鮮壓軸介紹 清炖牛肉湯 十分推介 除左足料外 火候都好足 飲落甘甜👍🏻食完覺得好滿足 因為一次過可以食咁多唔同既小食😋