Video
Read full review
2021-06-03
136 views
「雲壽司」出名午市Omakase性價比超高，好多時都滿座冇得食！一向鍾意食日本嘢嘅今次專登訂位試吓！餐廳雖然細細間，但係嚟到都幾乎坐滿人，而且佢哋午餐都幾多選擇，不過嚟得梗係要試吓佢哋招牌嘅Omakase啦！三款選擇之中我試咗「翔」，因為真係好肚餓想食壽司飽肚啲😝先來有一碗熱辣辣又好味嘅麵豉湯！裏面仲有好多切咗件嘅豆卜，好香口！蔥拖羅手卷拖羅好鮮甜，紫菜夠脆，仲要連啲蔥都咁新鮮！嚴選日本靚米煮嘅飯真係特別好味😋廚師發板壽司10件😍每件壽司師傅都搽咗少少豉油同埋加咗Wasabi，如果唔食Wasabi嘅朋友可以預先提出呀！今次師傅安排咗好多我第一次食嘅壽司比我試！鰤魚、白蝦質感好鯰滑，依左目同金木鯛味道唔錯。呢個吞拿魚面珠真係好特別，灸燒過所以算係半生熟，好香口，鮮甜得來有少少煙韌！螢光魷魚真成隻放入口既感覺真係好過癮，鮮甜又多汁，姜蓉同佢真係完美配合！赤貝同活北寄貝，好新鮮同埋爽口。北海道海膽嘅鮮甜的確係冇得輸！最後食埋肥美既大拖羅，滿口油香，真係好滿足呀！
餐廳雖然細細間，但係嚟到都幾乎坐滿人，而且佢哋午餐都幾多選擇，不過嚟得梗係要試吓佢哋招牌嘅Omakase啦！
三款選擇之中我試咗「翔」，因為真係好肚餓想食壽司飽肚啲😝
先來有一碗熱辣辣又好味嘅麵豉湯！裏面仲有好多切咗件嘅豆卜，好香口！
蔥拖羅手卷
拖羅好鮮甜，紫菜夠脆，仲要連啲蔥都咁新鮮！嚴選日本靚米煮嘅飯真係特別好味😋
廚師發板壽司10件😍
每件壽司師傅都搽咗少少豉油同埋加咗Wasabi，如果唔食Wasabi嘅朋友可以預先提出呀！今次師傅安排咗好多我第一次食嘅壽司比我試！
鰤魚、白蝦質感好鯰滑，依左目同金木鯛味道唔錯。
呢個吞拿魚面珠真係好特別，灸燒過所以算係半生熟，好香口，鮮甜得來有少少煙韌！
螢光魷魚真成隻放入口既感覺真係好過癮，鮮甜又多汁，姜蓉同佢真係完美配合！赤貝同活北寄貝，好新鮮同埋爽口。
北海道海膽嘅鮮甜的確係冇得輸！
最後食埋肥美既大拖羅，滿口油香，真係好滿足呀！
Post
