Chelsea Garden & Restaurant (Under Renovation)

都話佐敦多嘢食㗎啦，今次慶祝生日又來到佐敦區。呢度名副其實裝修到好似個花園咁，一入到黎已經覺得好relax，佢仲有一個露台仔，裝飾得好靚，可以出去影吓相。你間餐廳主打西班牙菜，佢哋有好多海鮮set。由於我地第一次嚟，又見到佢個signature dinner set價錢好吸引，仲可以揀生蠔做頭盤，所以我哋叫咗煎比目魚柳，同埋燒黑毛豬柳。首先先講生蠔，佢個set入邊有兩隻，今日嘅生蠔係法國胃黎，食得出好新鮮，充滿驚喜。湯係忌廉蘑菇湯，不過不失。至於主菜嘅厚切黑毛豬柳則非常juicy，我好鍾意好似豬柳，因為比較有口感，真係好好食。煎比目魚亦都煮得啱啱好，一啲都冇overcook，個皮又煎得好香好脆 👍🏻, 我真係好怕over cook 咗嘅魚，鞋十十，好難食。最後當然唔少得生日快樂嘅甜品，我哋叫咗心太軟，非常流心，一啲都冇焗死個心太軟 👍🏻呢間餐廳性價比真係好高，食物質素一流。我哋走嘅時候見到隔離枱食西班牙海鮮飯，成個賣相好靚，我哋下次會試吓。