雪村串燒 (Closed)

和同事在中環四圍探新店，呢間在擺花街，招牌細細，隱藏在板長之中，唔細心留意真係幾難搵到。行上一條窄長樓梯，終於到餐廳。環境有一種和式懷舊小店感覺，入門L小型日式吧枱，旁邊四張雙人枱，角落一張開放式4人廂位。整間餐廳可容納不足二十人。午市定食可選擇的種類不多，我揀了汁燒豚肉飯定食（$158），同事揀和牛飯定食（$198）。定食分開上，不是一盆集體上，有omakase 感覺，增加高級感。先上前菜（蘿蔔➕牛蒡漬）和沙律菜，味道不錯。之後足料熱辣辣麵豉湯，水準之上，唔會死咸。主菜汁燒豚肉飯，豚肉用火槍燒微焦上，味道香口唔油膩，但美中不足的是碟底放了沙律醬（我唔食），味道打了折扣。同事和牛飯他說好食，飯和肉份量可能對大食客會偏少，但我覺得剛好。之後仲有剛蒸好熱辣辣茶碗蒸，足料又滑。當我哋以為呢餐已經完嘅時候，原來仲有個牛奶布甸，因為我對牛奶有敏感，所以叫佢打包回公司俾同事食，佢哋都好樂意接受。同事食呢個牛奶布甸，佢話好滑好好食，好重奶味。計埋加一，同事$220，我$170，中環來講屬於正常lunch 價，但性價比真係高，質素同埋服務都好，值得推介。