水門雞飯 (汀角路) (Closed)

今日去左大埔嘅 水門街飯食個lunch，位置就喺港鐵太和站行幾分鐘，附近都好多食店。今日差唔多兩點嘅去到，都有幾枱客食緊，陸續都有d食客，睇黎質素都唔錯。我散叫叫左個海鮮冬陰功湯金邊粉，兩串豬肉，一串雞肉串燒。飲品叫左杯泰式奶茶少奶少冰。有d lunch set 都幾抵，驚唔夠飽仲可以追加小食。海鮮冬陰功湯金邊粉，個人幾鐘意食冬陰功湯粉，但有陣時會驚太辣。呢間餐廳嘅冬陰功湯辣度好低，唔太食得辣都可以一試。湯底檸檬汁酸味同香茅香味比較重所以食落都幾清新開胃。海鮮冬陰功湯有好多草菇，海鮮當中魷魚份量特別多，青口有4-5隻，食到青口有用酒處理過，食落冇腥味同冇沙，細細隻，蝦有三隻，肉質都幾爽口呢個價錢黎講個理，性價比幾高。金邊粉份量都唔少，好滑，同炒金邊粉口感好唔同～串燒配左兩隻醬 一隻係泰式串燒醬 好香花生味，另一隻係洋蔥，芹菜醋，超級開胃，怕太重口味可以試下點~串燒肉質幾嫰幾juicy，好食，雞肉有時好易太重味，呢到嘅雞肉串燒啱啱好。點兩隻醬汁都好夾。泰式奶茶濃厚，飲落好滑身，好飲！