八蠔吧 (Closed)

行完海味街入貨後見有啲肚餓，諗住行返去上環搵食之濟，見到有間餐廳，裝修又幾靚，於是就入去試試佢。生蠔職員介紹後原來主力係賣生蠔，雖然係Lunch Time，都叫過兩隻過下口癮，肉厚鮮甜，清洗得好乾淨，先聲奪人。西班牙紅蝦帶子意大利麵配龍蝦汁意粉煮得剛好，加上龍蝦汁及香草，香味四溢，紅蝦大隻爽口，配上微微煎香帶子，食材冇得頂，絕對食唔停口。西班牙伊比利亞豬扒配季節蔬菜及燒汁豬扒非常大件，充滿油香，厲害之處係連肥膏位都處理得好好，咬落係爽口而唔覺得好肥膩，薯條亦都熱辣辣，非常滿足。季節甜品甜品係芝士蛋糕，芝士味濃，口感綿滑，加上焦糖脆脆，今餐好圓滿。