Coffee Break (TKO Gateway東翼)

Open Now

Now Closed

今日約咗朋友敘舊，去了將軍澳shopping順便搵嘢食。無意中俾我哋發現咗一間環境不錯，又經濟實惠的西餐廳。環境燈光氣氛不錯。還有旅遊書可以借閱。部份座位可以望到街景，我地揀咗一張近邊的梳化位，坐得舒服叫左二人套餐，性價比高已包兩款主食、沙律、餐湯、餐飲，仲有甜品添。唔計加一$400有找。🌸餐湯蘑菇忌廉湯，幾有水準，不過份量就少咗一點。🌸烤羅馬生菜配煙三文魚好有誠意，而且份量足，羅馬生菜經烤過，唔鍾意食生野的人就最啱，煙三文魚有三大塊好生鮮，加左蕃茄仔，少少沙律醬，唔錯。🌸美國安格斯肉眼扒牛扒份量足，燒得剛剛好，肥瘦適中，油脂均勻，伴碟有菜蔬類排列在後排，賣相唔錯。🌸松子仁青醬帶子意粉青醬是用蔬菜製成的醬汁所以感覺清新特別，醬汁剛好掛在意粉中。而帶子有兩大舊，新鮮彈牙，加了松子多咗一份口感。🌸甜品Tiramisu賣相好靚，Tiramisu唔會太甜，不過稍嫌多左dd忌廉，好有心思，有隻用cream造成的啤啤，打卡一流。