川吧

Open Now

Now Closed

好耐無食辣野, 又係時候要黎刺激下, 太子行完街,就搵下有麻辣野食下啦...見有間叫"川吧' 就試下你啦. 餐廳都幾簡潔. 打開MENU 勁多選擇, 又雞煲,火鍋, 烤魚.....我地一行兩人食唔到多就叫個酸菜魚, 再配涼拌青瓜海蜇 同燴炒椰菜 當然食辣點少得配啤酒. 店員都好好會先問下我食到幾辣. 以便調整適合辣度俾我地. 1) 涼拌青瓜海蜇 - 超好食. 海蜇, 青瓜都勁爽口. 當然個辣油好地道..好似身在四川食緊咁. 2)酸菜魚(細鍋) — 份量都適中. D魚都好新鮮. 個湯都好好味. 配飯一流. 3) 燴炒椰菜 - 香.爽. 脆. 都好好味.下次要約一大人去食..先可以食多幾款菜式.