初之陸日本料理

Open Now

Now Closed

係觀塘返工既Lisa媽，得閒就要周圍去搵下好野食，今日就同同事，黎左觀塘碼頭對面既建生廣場，試左呢間日本野《陸之初》，午市套餐相當優惠抵食，今次Lisa媽食左日替（鯖魚飯） 包括刺身三味、沙律、堂揚炸雞、味增湯，同厚燒鯖魚，以日式便當盒盛裝，相當豐富，刺身三味包括三文魚、生蝦刺身同鯛魚，刺身高水準，三文魚肥厚鮮甜、味美，nice 👍到重點鯖魚飯，個飯係日本珍珠米，粒粒分明，重點飯係軟硬適中、唔係軟飯真係加好多分，最後，鯖魚相當厚身，咬開極juice ，店家細心切開二件，方便進食，魚皮煎到勁香脆，油香都完全滲透出嚟，肉汁鮮美，配搭軟硬適中既珍珠米，出乎意外地高水準，好味🤤朋友點了雜錦魚生飯材料有三文魚、牡丹蝦、海膽同三文魚子，牡丹蝦口感好鮮甜彈牙，蝦肉好厚實，三文魚腩油脂分布平均，以厚切方式處理，美味鮮甜，海膽同三文魚籽都非常新鮮，海膽軟滑、甘甜，一啖飯再配一啖新鮮魚生刺身，令人滿足。午市套餐都會送味噌湯同特飲，我地叫左蜂蜜梳打同可爾必思梳打，大大杯，消暑又解渴，下次要再約多幾個同事，再黎試下，好似話咖喱飯都不錯🤤🤤