吟

Open Now

Now Closed

性價比高鐵板燒😋復活節食留港消費食好啲！晚飯時間選擇咗餐廳嘅廚師發板。九款時令海鮮，其中一款係立鱗燒配酸菜魚汁，創意到十足，魚肉嫩鱗脆，配上酸味麻味，個人非常喜歡👍另外幾款時令海鮮當中，比較欣賞生蠔、燒魚配魚蓉粥、蟹黃羹。生蠔新鮮冇得輸，魚蓉粥有香濃嘅魚味、蟹黃羹有濃郁嘅蟹味，食到一嚿嚿蟹膏非常鮮甜😋主食選擇做A5和牛，廚師俾我哋選擇要瘦啲定係肥啲，我揀咗肥啲。可能上一道菜已經食咗鵝肝多士，令我覺得嚿牛肉太油膩，但師傅做得好好，我要medium，佢煮出嚟個中心位置仲係粉紅色。建議怕油膩嘅朋友下次選擇小肥。如果想食環境，呢間未必啱，但係氣氛十足，廚師同食客打成一遍。