Cafe Paradise (杏花邨) (Closed)

朋友住在杏花村，我今日過嚟探佢，打算一齊去食晚飯。佢忽然有個建議 ，要帶我回到少女時代，食一個童話式嘅晚餐。聽落幾得意，就即管去試下。全店都係粉藍色，有旋轉木馬，又有船，充滿童話色彩，唔怪得之叫“Cafe Paradise”，超多打卡位，簡值好似漫畫入面天堂樂園一樣。最適合打卡影相留念，小朋友見到，肯定超開心。有咁靚嘅環境，我心諗肯定收得好貴啦 ！點知。。。望到餐牌，嘩嚇咗一跳 😚，石燒美國頂級穀飼牛肩胛肉眼扒套餐，都係 78蚊咋！咁抵，“拿拿林”即刻點返一個先。你喜歡熟d又得，我喜歡生d亦得。隨你個人需要，控制牛排生熟程度。我記得第一次食石燒牛排，就係喺德國，都要幾百蚊喎。不過，返嚟香港後，都無再食過啦！好值得懷念。而且仲咁平，幾十蚊就有。😍😍😍我地加左30蚊，要埋餐飲，沙律，同甜品。認真抵食。性價比高。兩個人當然叫咗兩個餐啦！我哋仲叫多一個咖哩汁燴牛肋條配薯菜，都係78蚊咋 。所以，我話性價比甚高，值得推薦畀大家嚟試下。💃💃💃疫情下，唔可以去韓國景點打卡，成日心思思，就不如嚟呢度，一面打卡，一面嘆美食，人生一大樂事呀也!🤤🤤🤤同小朋友生日，可以約埋朋友嚟慶祝，都係唔錯嘅選擇嚟嫁。🙍