古今二 (荃灣千色匯I)

Open Now

Now Closed

喺荃灣樓上做完按摩，落到嚟樓下，見到呢間日式餐廳，環境乾淨企理，於是入咗。同朋友嗌咗五樣嘢，上菜上得好快，唔會要等好耐等到肚餓都未有菜。 重點係全部都係好熱辣辣。我哋食咗芝麻雞翼，炸得好熱同好脆，一咬開，雞翼入面好多肉汁，好Juicy. 調味做得好好，唔會過鹹。 跟住我哋嗌咗個蟹籽沙律，估唔到個份量咁多，啲蟹柳同蟹籽就嚟多到要瀉。個沙律醬汁有少少辣味，幾得意。之後就到金龍卷，同埋煙花卷。 份量都好多，特別要提一提，煙花卷有啲脆脆，令到個口感好有層次，隔在加埋蟹籽。 個金龍卷都好好食係三文魚連埋芝士炸蝦卷。 最後一個真係最驚喜，係櫻花蝦燒茄子，櫻花蝦嘅味道，取替咗平時用開嘅蒜蓉，食完個口唔會臭，但係又做到好香嘅感覺。 燒得啱啱好，茄子仲係好多汁。呢餐食得好滿足，冇諗過喺附近按摩發掘到一間咁好食嘅餐廳。