Hungry Monkey (海之戀商場) (Closed)

今晚和家人到荃灣食飯，想試下鐵板燒，所以去Hungry Monkey 試下，這店環境幾有格調，感覺好時尚，而且幾舒服。唐揚魷魚鬚，炸得好香脆，但不會乾，魷魚仍然保持彈性，外脆內爽，感覺不錯。明太子廣島蠔，都幾大隻，煎得剛剛好，色澤吸引，外表微脆，內裏軟滑，有肉汁，味道濃郁，很好味。香蔥牛肉薄燒，當廚師一端上，已聞到蔥香四溢，牛肉薄片很軟滑，包著大量的蔥花，超香，口感相當好，很惹味。煎焗波士頓龍蝦，見到已想食，令人垂涎，龍蝦幾大隻，尤其是蝦鉗超巨，肉質爽口彈牙，龍蝦味十足，加上芝士煎焗，令人回味。A5和牛肮腩炒飯，飯粒炒得很香，不論色澤或口感都幾好，但肮腩略嫌肥了些，味道是不錯的，而且份量都足夠。鐵板梳乎厘，廚師即場料理，賣相吸引，又彈又軟，入口有一種氣泡感，不太甜，是一款值得推介的甜品。