Video
Read full review
2018-02-13
941 views
臨近農曆新年前夕，上司請食TEAM LUNCH，係果頭番工自然覓食都係番附近，上司拍板一行13人去食西餐，餐廳由佢選，做細既有得試有野食就梗係開心，樂做跟屁虫。因為BOOKING 13人多關係，所以事前要比訂金($500)，可能係工廈樓上餐廳驚人放飛機，所以要呢個訂金制度，都可以理解的(如果只係兩至3個人預約要付訂金與否就不得而知了喇)。係食TEAM LUNCH前一日，阿頭都有收到幾次CONFIRM電話確定係咪人數/預約有更改變動，店方面仲提出叫我地一行人預先上該店網睇餐牌揀定SET，方便佢地預備，我地作為客人都十分體諒生意難做，要多翻枱同方便店家準備，所以亦好樂意配合，即日已確定回覆左13人食咩餐。食店就係公司隔離大廈，徒步行過去不用5分鐘，一行人準時到達。坐低，芾菜有兩款揀(事前一日已揀選好了，所以好快上):火炙刺身吞拿魚伴紅及黃波椒莎莎同蜜糖燒雞沙律。揀左後者，味道不錯，汁醬調的剛好，配搭新鮮既沙律菜好爽脆清甜，平時少食沙律既我，都老牛吃嫩草清晒(唔知係咪朝早留肚無食早餐既關係)。之後再上是日餐湯同餐包，個湯好濃稠，因為無寫係咩味湯，所以只能憑味覺去形容，湯好熱好香帶有濃郁既洋蔥
因為BOOKING 13人多關係，所以事前要比訂金($500)，可能係工廈樓上餐廳驚人放飛機，所以要呢個訂金制度，都可以理解的(如果只係兩至3個人預約要付訂金與否就不得而知了喇)。
係食TEAM LUNCH前一日，阿頭都有收到幾次CONFIRM電話確定係咪人數/預約有更改變動，店方面仲提出叫我地一行人預先上該店網睇餐牌揀定SET，方便佢地預備，我地作為客人都十分體諒生意難做，要多翻枱同方便店家準備，所以亦好樂意配合，即日已確定回覆左13人食咩餐。
食店就係公司隔離大廈，徒步行過去不用5分鐘，一行人準時到達。坐低，芾菜有兩款揀(事前一日已揀選好了，所以好快上):火炙刺身吞拿魚伴紅及黃波椒莎莎同蜜糖燒雞沙律。揀左後者，味道不錯，汁醬調的剛好，配搭新鮮既沙律菜好爽脆清甜，平時少食沙律既我，都老牛吃嫩草清晒(唔知係咪朝早留肚無食早餐既關係)。
之後再上是日餐湯同餐包，個湯好濃稠，因為無寫係咩味湯，所以只能憑味覺去形容，湯好熱好香帶有濃郁既洋蔥香味。
飲完個湯之後上主菜，兩者期間等左差不多約25分鐘(公司食晏時間其實只有一小時，等都佔左一半時間)，頭盤上的快原來係鋪排定主菜有排上，究竟係廚房人手不足定客人太多?
眼見該店都係以接受預約制生意為主，午飯時店外無街客排/等，亦已前一日落定晒餐，都可以要客人等咁耐，意味唔早一日點定餐可能要等個半至兩個鐘?
等左咁耐主菜終於上，以為煮咁耐，一定至少鮮熱辣，但剛好相反，我點既係香煎美國 1855 黑安格斯肉眼扒伴薯菜 配黑松露汁( $198)，塊扒完全係溫熱而已，明顯大量煎完擺放著遲遲未出菜所致，牛扒的口感令人強差人意(我點的是6-7成熟)，是鞋口同韌的，要多番咀嚼成能下嚥，扒薄連帶肥膏大大舊，眼看已不感吸引，更不用就說那個汁---黑松露汁，完全聞或食都食唔出隻味。配菜有薯仔、蕃茄仔同西蘭花，都係似白烚…..無味道可言，呢個午餐要198再加一服務費……真心不明該價值何在?跟連鎖快餐店的扒有何分別(其實都明白只係食野既地點定取決左同一食物既價格，質量味道其實差別不大)..…..………其他同事點既燒焗美國厚切有骨豬鞍扒 配洋蔥汁同燒紐西蘭羊西冷 伴薯菜 都有異曲同工之妙既統一鞋且韌既感覺，味道真的很一般而已。
有位同事點既係意大利素菜雜錦雲吞 伴雜菜蕃茄醬 ($128)，份量少不在話下，亦係最遲先上，味道不過不失，同自己去超市買包意大利雲吞番屋企加芝士焗/煮，應該都可以有差不多既味道效果…….
水亦都係要主動叫先加(該店收取加一服務費的)，餐飲係食晒所有野最後先點，其實用餐期間都有主動叫侍應落埋單(可以邊食邊飲野唔使食完先落單等餐飲，一舉兩得)，但兩次召喚侍應都被忽略叫等等，所以變成一等再等，餐飲又再等左10-15分鐘…….
總括，可能臨近做節都係咁……..的吧，食物質量味道、服務水平(店員態度OK，不過就是對落單、追單點野皆置若罔聞，間接令食客等的時間長)，兩者與食物價錢不成正比，人均接近180一位既午餐，食物質素差強人意，實在有待改善。
3 views
0 likes
0 comments
7 views
0 likes
0 comments
7 views
0 likes
0 comments
Post
