L.D.K. by Ufufu Café (東薈城名店倉) (Closed)

多數嚟東涌行outlet都會上頂樓搵食，每次都食牛角次男坊，今次試吓新嘢，幫襯佢隔離嗰間日式西餐廳。Menu賣相係好精美，價錢算偏貴，但食物質素就令人有啲失望總共叫左一個意粉同一個飯，可以跟套餐，我地只加左一份餐。加咗$38有沙律加酥皮湯，酥皮湯暖笠笠咁飲唔錯，沙律都正常。件吉列豬扒咖喱蛋飯好多人推薦，所以我哋都試吓，不過冇乜特別。可能我對個意粉太高期望，所以好失望，龍蝦汁意粉味道太濃麻麻哋，而且龍蝦煮得太老，質地好靭餐廳卡位都算坐得舒服，不過食物質素配合個呢個價位令我唔會再想返轉頭。試過就算。