相馬日式火鍋 (Closed)

平時就去其他打邊爐嘅地方就一定食貴牛嘅 ，咁基本上就一定有保證保障啊嗎今次就想試下最平嗰個set啦（美國進口 $168 嗰個set），睇下佢平嘢質素又會差幾多啦好！依家入正題啦！首先要點評嘅係啲牛肉真係好肥！對於我同女朋友（鐘意食瘦牛）黎講有啲難入口，應該話入唔到口。呢個餐相對地最好味可能真係啲豬，雞肉就一般般啦，但點都好過啲牛。丸類、菜類、醬汁嗰啲選擇或者味道就都同其他火鍋放題差不多架啦反而最驚喜就都係啲炸物同串燒！串燒方面，個人推薦醬汁款多過鹽燒款。而服務方面，對於啲服務員有啲失望...要主動要求先會提供點炸物同串燒嘅紙仔。如果本身唔知呢間有炸物同串燒點嘅朋友仔，就真係會繼續唔知啦，咁就有啲可惜另外有啲女服務員都幾唔友善下...始終都係啲男服務員最友善有個肥嘟嘟嘅哥哥好有heart咁介紹啲肉係咩部位啊！讚！另外有部分湯底要再另外加錢，今次就冇試到啦。