N&L

Open Now

Now Closed

星期四晚上6點半到達，成為當晚第一枱客人。晚市有套餐、$38同$45嘅小食、仲有$88脆豬手添，不過怕食唔哂，所以無試到。晚餐只包一款主菜同餐湯，無餐飲、餐包，而且主菜份量唔算多，所以食完都唔太有感覺😂餐湯飲落好清新，有蕃茄、洋蔥、粟米、紅菜頭、西芹嘅味，略嫌鹹左少少。烤美國特級平鐵牛扒10oz $238點左五成熟，不過實物熟左少少；好彩肉質幾好、有肉味、亦好Juicy；食落有焦香味，但牛味偏淡。烤澳洲羊鞍扒2件 $178一樣點左五成熟，不過個人覺得已經七成熟；肉質好淋，有少少羊羶味，味道唔錯，唯一缺點係太細件，唔駛兩啖就食哂😂。兩款主菜都可以揀左薯菜、飯或意粉；薯蓉係我中意有薯粒口感果D，清爽薯仔味，唔會有牛油味，對健康無咁重負擔。配菜中我最中意就係烤南瓜，夠粉之餘又煎得夠香甜。整體環境正常，係張櫈唔太好坐；服務幾好，職員不時主動斟水、收碟；食物味道/質素尚可，性價比一般。最後兩個人連加一共$458，可以信用卡付款。