Café de Paris (Closed)

相約舊同事食飯...這次來到位於中環蘇豪區的一間法國餐廳。環境不錯，約有十幾張桌子。事不宜遲，向大家介紹品嚐過既菜式：1. 洋蔥湯本來對洋蔥湯好高期望，但最後換來失望😔。塊芝士唔好食之餘，個湯仲要好鹹...建議大家試下其他款式。2. 牛扒除左魚，我地仲叫左牛扒。六成熟（medium），配左個醬汁都幾好食🌝。薯條炸完擺左一段時間。整體黎講都唔錯啦！3. 雜菇白汁意大利粉好惹味，份量十足，推介！😉4. 甜品大推介！其實成晚最好食既就係甜品，同之前果啲菜式差太遠。甜品餐牌一共有四樣，除左Lemon Tart 我地都有叫...焦糖燉蛋好重蛋味，塊焦糖都好好食！最正係個雪糕，超濃，雪糕迷至愛！巧克力蛋糕都好正呀！🙈我地仲叫左田螺，三杯餐酒同一個cocktail。埋單每人大約550。其實在附近這個價錢可以有更多選擇...建議大家有AE卡才過來一趟吧。