初心冰室 (Closed)

今晚同媽媽過咗嚟旺角行街，晚餐要醫肚嘅時間諗起之前食過一間冰室唔錯，就決定帶媽媽去試吓！我要咗個香煎三文魚扒配薯菜($88)媽媽就要咗個蟹肉蜆肉忌廉汁天使麵($72)套餐可以加$25要一份小食，三選二要咗芝士焗西蘭花同蜜糖單骨雞翼。雞翼嘅粉漿較厚，但係屬於細隻雞翼，肉質好嫩！西蘭花就偏淋，用左白汁焗，芝士唔多，但奶香味濃。我嗰份香煎三文魚扒，薯角嘅份量都多，但嗰隻薯仔就唔係好粉！三文魚扒比較薄身，食落有啲dry，但淋上忌廉汁後剛好，而且多左份奶香！三文魚皮煎得香脆，好似食緊炸魚皮咁，我自己鍾意食嫩滑肉質，所以就唔太啱口味！反而媽媽個天使麵做得幾出色！忌廉汁唔會太杰身，食落滿滿奶香又唔膩，食到底都仲有醬汁，一D都唔會dry！蜆肉雖然細細隻，但好鮮甜，份量都唔少！啖啖麵都會食到鮮蟹肉絲，唔係蟹柳😛面層仲鋪左少少芝士，搞到我忍唔住偷食咗媽媽嗰份><!!!後尾仲帶多咗個葡汁炒蔬菜($48)，但呢個應該唔係炒嘅，似係焗蔬菜比較多。蔬菜有椰菜花、西蘭花、洋蔥、青紅椒、蘑菇同蘆筍，種類都算多。但上次食花生味重啲，今次就比較淡！套餐呢個價錢包餐湯餐包都算合理，麵包同湯都係水準之上。蔬菜