Video
Read full review
2023-09-08
1807 views
首先，我覺得呢間店都幾值得寫，可以推介一下。整體體驗唔錯，但仲有改善空間。餐廳時間分兩輪，我地一行三人book左第一輪5：30。一坐低就有燉湯，好夠味，係好個開頭。然後點餐，三款套餐。我哋揀左每人$288的龍蝦肉蟹餐。建議睇埋是日推介先落單，原來當日有蠔，其實可以叫多樣其他，再加蠔就仲正。鮑魚，魷魚腸粉，多寶魚，蝦呢4樣常駐。三款貝類就1個月換一次。最後我哋揀左金銀蒜龍蝦，古法肉蟹，果皮鮑魚，沙爹魷魚腸粉，金銀蒜蝦，豆豉蟶子，金銀蒜蠔，滑雞。蒸飯選了：蝦醬豬腩肉(超正，必選)，銀魚仔，臘腸(正)，排骨，芋頭，南瓜，冬菇(正)，四季豆(正)，4肉4菜好平衡的組合。落單後好快就來，然後店員逐一幫手蒸。其間服務好好。每枱都有紙巾好方便。然而食完啲殼要自己倒，還有就係餐具唔係太好放，呢兩點在衛生上要扣少少分。食物方面龍蝦細左少少，一人半隻，因為一早準備好在車仔上，新鮮度會差左啲。鮑魚最正，夠大隻，夠鮮，蒸之前仲生猛，街市買都起碼$20隻，配菜：蘿蔔都超正。魷魚腸粉，蠔，滑雞都好正，不必多講，如果下次再來都會叫。蝦，蟶子就有啲孤寒，又少又細隻，蝦可能太早準備鮮度不足每人得兩隻，蟶子夠鮮可以配金銀
餐廳時間分兩輪，我地一行三人book左第一輪5：30。
一坐低就有燉湯，好夠味，係好個開頭。
然後點餐，三款套餐。我哋揀左每人$288的龍蝦肉蟹餐。建議睇埋是日推介先落單，原來當日有蠔，其實可以叫多樣其他，再加蠔就仲正。
鮑魚，魷魚腸粉，多寶魚，蝦呢4樣常駐。
三款貝類就1個月換一次。
最後我哋揀左金銀蒜龍蝦，古法肉蟹，果皮鮑魚，沙爹魷魚腸粉，金銀蒜蝦，豆豉蟶子，金銀蒜蠔，滑雞。
蒸飯選了：蝦醬豬腩肉(超正，必選)，銀魚仔，臘腸(正)，排骨，芋頭，南瓜，冬菇(正)，四季豆(正)，4肉4菜好平衡的組合。
落單後好快就來，然後店員逐一幫手蒸。
其間服務好好。每枱都有紙巾好方便。然而食完啲殼要自己倒，還有就係餐具唔係太好放，呢兩點在衛生上要扣少少分。
食物方面
龍蝦細左少少，一人半隻，因為一早準備好在車仔上，新鮮度會差左啲。
鮑魚最正，夠大隻，夠鮮，蒸之前仲生猛，街市買都起碼$20隻，配菜：蘿蔔都超正。
魷魚腸粉，蠔，滑雞都好正，不必多講，如果下次再來都會叫。
蝦，蟶子就有啲孤寒，又少又細隻，蝦可能太早準備鮮度不足每人得兩隻，蟶子夠鮮可以配金銀蒜會好味啲，但一人得一隻仲要比較細隻。
最後上的海鮮是肉蟹都係一人半隻，古法唔太夾可以清蒸或金銀蒜會好啲。大隻但9月不是時令，比較水。冬天來希望會好啲。由於肉蟹效後至準備好(即切)所以無類似蝦，龍蝦，呢啲放耐左鮮度下降的問題。
部分海鮮的配菜好有驚喜：鮑魚從蘿蔔，蝦的一口蕃薯仔
個飯超正，通常都食唔晒，可以打包，自備外賣盒會環保少少。
最後甜品：冰凍木瓜雪耳糖水，消暑精品
無加一，性價比高，好值得推介。特別值得推介：燉湯，鮑魚，八寶飯，魷魚腸粉。
Post
