Greyhound Café (新城市廣場) (Closed)

是日係沙田行街，朋友建議食哩間餐廳，話自己試過，覺得幾多菜式。紅咖喱鴨飯（$138）朋友點既，我試左少少，覺得幾惹味，不過分量都唔多。我唔太鐘意咁多汁浸住飯，可以分開就好，有得揀係咪浸住。菠蘿炒飯（$148）我點既，哩個飯就麻麻地。如圖所示，真係得3隻蝦，1粒魷魚圈，腰果、肉鬆、提子干咁。雖是一般泰式菠蘿炒飯既搭配，但接近150（未加一）既Lunch，又無餐飲，性價比實在係太低。雖說新城市廣場比較高消費，但餐廳既座位都唔算疏，實在唔抵。飯上面既菠蘿係比較可取，燒完之後甜又多汁，但拯救唔到我對哩個飯既觀感。整體來講，餐廳係泰式fushion菜，款式比較創新，但性價比實在不高。