Carbon Brews (Closed)

呢兩個前菜味道係不錯既，粟米果碟係幾特別，我之前冇食過，另一碟沙律用料新鮮，雖然Parma ham得兩少塊，但整體黎講係唔錯，無花果既甜搭上Parma ham既鹹，再加埋啲菜，感覺不錯。呢個hunger steak冇乜特別，個牛整得比較乾身，鎖唔到肉汁，侍應冇問個牛要幾成熟，直接就上咗呢個熟到黎🤔薯條很OK，炸得剛好，但係茄汁味道勁奇怪 唔咪平啲食開既亨氏或地捫茄汁，茄汁有陣果醬味滲出來。Burger用料新鮮，洋蔥有製作過再放入burger到，幾有心機，不錯👍🏻但對整體食落去既感覺冇幫助，因為一半凍一半熱咁食個包😂其實我係一個鍾意食甜品既人，但呢兩個甜品就都唔晒，可能唔太岩食。雪糕好軟身，個肉桂蛋糕味道好出，另一個蛋糕焦糖味重，仲有種燒焦既感覺，但兩個蛋糕我都唔覺得好食。個人不好啤酒，冇評價😂但menu明明有寫可以選擇soft drink or house beer，侍應就話野飲得soda water 同house beer揀，基於唔想飲水底下，就揀咗啤酒。