有間茶記响附近

Open Now

Now Closed

今次特登去到土瓜灣搵朋友，佢介紹我去呢間新開嘅茶餐廳。佢餐廳裝修主打懷舊風格，食物選擇眾多，性價比高。➰ 豉汁蒸白鱔 $128呢個蒸白鱔份量好多，鱔肉食落好新鮮彈牙，仲要好香豉汁味➰大蝦楊州炒飯 $78炒飯炒到粒粒分明，好夠鑊氣，大蝦份量好多。推介鍾意食炒飯嘅朋友們，要試試呢個楊州炒飯。➰ 蜜薯牛仔粒 $88呢個蜜薯牛仔粒真係好香，佢嘅薯仔同牛仔粒都係先炸後炒，鑊氣一流。再配上蜜糖同黑椒汁，味道更佳➰榛子醬西多士 $35勁大份嘅榛子醬西多士，足足有4大件。淋滿榛子醬嘅西多士好厚身，食落中間夾心仲有好多榛子醬，真係好邪惡。➰ 脆脆華田 $32大大舊嘅忌廉鋪滿脆脆華田碎，飲落好香濃華田味➰紅豆冰 $32好足料嘅紅豆冰，飲落唔會好甜，仲有好多大大粒嘅紅豆🫘。