Coffee Art

Open Now

Now Closed

一支公去搵野食，又想食意粉，就去左東廣場，一黎小店多d，唔洗食連鎖店，二黎有唔少實惠選擇之前weekend都黎食過兩次lunch，次次都爆，weekday六點幾黎無咩人，得一兩枱，所以野食黎得好快。點左set沙律（前菜）+辣蜆肉意粉（主菜）+玫瑰咖啡$84（因為飲special drink 所以+$19）前菜可以揀綠茶多士或沙律，見親個個都會嗌，有機會會試下綠茶多士第三次黎都係食意粉，其實味道真係唔錯，食親都係熱辣辣，不過略嫌意粉水分多，似烚完意粉未瀝乾水就再煮，所以次次食都似汁浸意粉，呢個就可惜左d，同埋蜆肉有丁點沙（沙律及辣蜆肉意粉）無咩大驚喜，但見店員用心拉花，（玫瑰咖啡）整體黎講，係值得回頭，畢竟近地鐵站，同時晚餐價錢在一百以內，味道亦好唔錯！不過人多嘅時候就會嘈一d，亦同鄰座會坐得好近，比較適合兩至三人黎食，一大班人可能就坐得唔太舒服了。