雄泰

Open Now

Now Closed

放假無所事事，朋友約入粉嶺食晚飯。都好耐冇食過呢一間餐廳，朋友話好想食呢一間。不過夜晚就預咗冇海南雞食，朋友話食咁就好少去啦。叫咗客翠豬一個牛肉船河，另外一個豬頸肉飯。徐豬每一次都冇失望，塊皮脆卜卜咬落去咯咯聲，一層肥一層瘦真係好邪惡，雖然望落去有啲肥，但係食落去又唔會有種好油膩嘅感覺。另外豬頸肉個份量都幾足，亦都燒得好香同埋個厚度亦都適中食落都好有質感，配埋佢個甜甜地嘅醬送飯係唔錯嘅。另外重點推介個牛肉船河個湯底真係好好味，牛肉相當濃郁，湯底亦都好清甜，真係好食到連個湯都清埋。兩個人食都係百零蚊，真係抵到爆。事次用餐為自費。